HERSE ṬHATNA TE

🌎🌲🌹🌲🌎

*HERHSÊ*

Lunglei piahah sâwn Herhse khua a awm a.
Herhsê thingkung hming chawia an phuah pawh a ni mahna.
Ka risk mai mai a nih hi!

Aizawl thlang lawk, Phunchawng lamah pawh Herhse picnic spot a awm a.
Hei pawh hi Herhsê thingkung hming chawia an phuah a ni mahna!
Hei pawh ka risk mai mai.

A enga pawh chu ni se, Herhse khua leh Herhse Picnic Spot hian a hming aţang ringawt hian mi a hip nghal a.
A nuam ngawt ang.
Hei pawh ka risk tho. 😂

Herhsê hi thingkung mawi tak a ni a.
A hnah no hi a sendâng deuh va, a hnah chang chu thing hnah dang ang bawkin a hring a.
Herhsê hi kan state thingkung, Mizoram State Tree a ni nghe nghe a.

Kum sangkhat chuang liam tawhah khan herhsê hi kan ram, India-ah damdawi atan hman ţhin a ni a.
A zung, a pil, a hnah, a chî leh a pâr thleng hian damdawi atan hman theih a ni.
Herhsê ţhatna tlem han tarlang teh ang.

Herhsê hnah hian hriak ţangkai tak leh oleo resin a pai a.

A pâr hi vun thak hnawih atan hman ţhin a ni a.

Hmai hnawih, face pack anga hman ţhin a ni bawk a.

Herhsê hi hmeichhe thi nei tam lutuk enkawl nan hman ţhin a ni a.

Herhsê hi hnar thî leh tai tawlh enkawl nan hman ţhin a ni a.

Herhsê hian taksa thisen sipai a tichak thei a.

Herhsê hi ke sâ enkawl nan hman ţhin a ni a.

Herhsê hi zun kawnga natna hrik awm enkawl nan an hmang ţhin a.

Herhsê hi lu na benvawn, migraine enkawl nana hman ţhin a ni a.

Herhsê hian taksa aţanga thi chhuak a tireh hma thei a ni.

Herhsê aţanga siam chhuah, a phut hi phai lamah chuan a awm ang.

Thil eng pawh, min tidam thei chuan min tidam lo thei tho va. Chuvangin, eng damdawi mah hi tawngpawng basa ngam loh hi a him ber ang.

HRISELNA, MI TIN TAN
(Gilead Thinghnai)