PART OF SPEECH.(ENGLISH ZIRNA)2018

*ENGLISH ZIRNA*
--- _Rozama Chawngthu_

*_PARTS OF SPEECH_*

*_"Zova saw a very big snake in his garden and he cried so loudly' 'Ah!' "_*

Sentence-a word hrang hrangte hian pawimawhna leh sawi tum bik an nei hrang thliah a. Thu kan sawi ṭhin leh kan ziak ṭhinte hi chi hrang 8-ah an ṭhen a; Parts of Speech 8 a awm tihna a ni. Tawi te tein hrilhfiah ila:

1. *Noun: _(Name of a person, place or thing)_*

Mihring hming te, hmun hmingte leh thil reng reng hming chu noun a ni vek. A chunga sentence-ah khian _Zova_ leh _snake_ leh _garden_ te khi noun vek an ni.

2. *Verb: _(A word telling doing or acting)_*

Thil tih sawina thumal hi verb an ti. A chunga sentence-ah khian _saw_ leh _cried_ te khi verb an ni. Verb hi a pawimawh em em a, verb tel lo chuan sentence puitling a siam theih loh.

3. *Pronoun: _(A word used instead of a noun)_*

Noun aiawh tura thumal an hman hi pronoun chu a ni. A chunga sentence-ah khian _his_ leh _he_ te khi Zova sawina ve ve a ni a, pronoun an ni. _Zova's garden_ tih aiah _his garden_ tih a ni a; _Zova cried_ tih aiah _he cried_ tih a ni. _I, we, he, she, they, you, it, etc.,_ hi pronoun a ni.

4. *Adjective: _(A word that qualifies a noun)_*

Noun sawifiahtu word hi adjective an ti. A chunga sentence-ah khian _big_ khi adjective a ni. _Snake_ tih ringawt chuan rul eng ang nge tih a hriat loh va; _big_ chuan rul chu a lian tih a sawi a, adjective a ni.

5. *Adverb: _(A word which modifies the meaning of a verb, an adjective or another adverb)_*

Verb emaw, adjective emaw, adverb dang emaw tichiang lehzual tura thu hman hi adverb a ni. A chunga sentence-ah khian _very_ leh _so_ leh _loudly_ te khi adverb an ni.

6. *Conjunction: _(A word that joins words or sentences together)_*

Thumal emaw sentence emaw zawm khawmtu word hi conjunction an ti. Sentence-ah khian _and_ khian a hmalama thu leh a hnung lama thute a zawm khawm a, _and_ chu conjunction a ni.

7. *Preposition: _(A word used before a noun or a pronoun)_*

Noun emaw, pronoun emaw hmaa thumal dah ṭhin hi preposition an ti. Sentence-ah a tawp bera dah chang pawh a awm tho. A chunga sentence-ah khian _in_ khi preposition a ni. _On_, _under_, _from_, _by_, _with_, _to_, _of_, etc.. te pawh preposition a ni.

8. *Interjection: _(A word used to express some sudden feeling)_*

Rilrua thil lo awm thut (hlimna lam leh lungngaihna lam pawh) sawi chhuah nana thu hman hi interjection a ni. A chunga sentence-ah khian _Ah!_ khi interjection a ni. _Oh!_, _Alas!,_ etc.. te pawh interjection a ni. Interjection chu hawrawp pui (capital letter)-a ṭan zel tur a ni.