WHATSAPP TEXT BOMB LAKA INVEN DAN LEH CHINFEL DAN!
- Muankima
@ facebook.com/kenny.muankima
Mobile phone kaltlanga Internet khawvelin mi a luhchhuah hma khan mi tam zawkin inbiakpawhna atana kan hman tam ber chu SMS a ni a. Khatih lai pawh khan Text Bomb hi a uang over zual ho chuan an lo hmang tawh țhin a. Kha fiamthu țhing zet kha an SmartPhone chiah Smart te zingah intih theih thar pui an awm nual avangin kan ziak ve hnuhnawh ang e.
A tawi zawngin, a mawlmang thei ang berin sawifiah i han tum dawn chhin teh ang.
Kan SmartPhone te hi Processor leh RAM hmanga hnathawk a ni ber a, chung thil pahnih in a handle zawh bâk message code hmanga siam emaw emoji or symbols tam turu tak midang i thawn a nih chuan a dawngtu mobile Processor leh RAM in a process zo lo ta țhin a. Chuvangin an mobile a tâng vung vung mai țhin. Kan mobile phone upat dan leh chak țhat dan a in an loh avangin flash țhat ngai hial pawhin text bomb hian mobile a tichhe thei niin an sawi.
Bomb anga siam hoah chuan symbol pakhat anga bilh khawmin chu symbol chu click hawn rual chiahin phone a nuar ta țhin a ni.
Chu chu fiamthu thawh intiin an mahni aia an mobile phone smart zawk ten inti thiam takin an forward kual suau suau mek a, engtikniah emaw, engtik hunah emaw a la rawn hluar nawn leh ngei bawk ang. Lo chhinchhiah mah rawh u..
Mahse heng text bomb kan forward kual vak vak hian click hawng lo mah ila kan device in a tuar tel tho tih hre thiam lo kan la tam hle a ang.
I duh leh lo chhin rawh. I text bomb dawn kha click hawng lem lovin group hran hranah han forward kual chhin mah teh. I mobile kha a smooth dan ngaiin a smooth thei tawh lo. I forward zawng zawng kha i delete leh a nih loh chuan i WhatsApp kha a ni chuih chuih mai ang a rei hnuah. Kha kha a chhan chu processor leh RAM a lo ei hek nasat vang a ni a. Khatianga i hmang ngar ngar a nih chuan i mobile in a tuar phah ngei ngei ang.
Emaw
Group hran hran i en hman lohah text bomb an lo forward lut kual țeuh tawh a, i hman huna i whatsapp i hawn ve meuh chuan titi dangin a lo chhilh hman vek tawh a, chutiang a nih pawh chuan i whatsapp in, kha text bomb kha i click hawng miah lo chung pawhin ngai a awh miah lovang. Chu chuan i mobile a tlo loh tir ve thei tho bawk.
Chuti a nih chuan:
1. Text Bomb message darh meka a symbol lo, text bul lam kha chhinchhiah la (Tuna darh mek hi chu 'If you touch' tiin a ințan tlangpui)
2. WhatsApp i hawn khan search bar (enlenna lem kha click in) ah khan i thu chhinchhiah kha chhu teh. ('If you touch' tih kha han chhu teh)
3. Result a lo lang dul ang a, kha thu awmna conversation hrang hrang kha a mal mala hawngin text bomb kha select in delete la.
4. Back lehin conversation dang ami pawh 3 ang khian clear zel la
5. I clear fai vek hma chu he method hi i apply mai dawn nia.
6. I clear zawh vek hnuah i mobile i restart/reboot la, i WhatsApp a dik leh zaih tawh tih i hrethiam mai ang.
Text bomb i lo hawn palh vanga i whatsapp i hawng thei tawh lo palh a nih thung chuan:
1. Settings > Apps > WhatsApp > Force Stop kha click la (Device a zirin a dang deuh hret mai thei a step in dawn dan hi)
2. I data off in i WhatsApp hawng la
3. Text Bomb hawng lo te clear dan hmang khian Text Bomb clear tum la
4. I clear thei lova a tâng leh hman a nih chuan Force Stop țha lehin chat i clear fai pak mai dawn nia.
Nang chu, i mobile chiah lo smart suh se! 🙅
Zan hun hman nuam vek u.. ✋😇
No comments:
Post a Comment