KHAWVELA HMAI (Face)THLAK HMASABER

KHAWVELA HMAI (Face)THLAK HMASABER*

(Doctorte thiamna san zia hriat zau nan)

------------------------ &&& -----------------------

@ 25/11/2017(Sat-)

Khawvela Doctor-te thiamna san zia hi a zual zel; hnar, hmui, biang lang mawi turin an siam tha thei tih chu kan hre fo tawh thin a. A maherawh chu midang hmel midang hmaia vuah thlak thleng erawh hriat tur a tam lo hle. Inzaia thui zawm mai kha a ni lova, cell leh tissues te, thisen zam te, nerves in zawm tir ber hi a harsat lai tak zual chu a ni thei awm e.

 Doctor Jean-Michel Dubernard leh Professor Bernard Devauchelle te chuan kum 2005 kum daih tawh khan FRANCH nu Dinoire-i hmai chu Brain-dead donor (thluak hnathawk tawh lo) hmel hlantu hmai chu an vuah ta a, an zai hlawhtling hle a ngaih a ni. Pic-a a lan dan hian an zai hma hmel chu chhe ve tak a nih hi. A chhan chu uiin a suasam vanga awm a ni. A ser te hi a lan vak loh nan made-up nen tan lain a thup nasa ve hle thin a. Mahsela, vanduai thlak tak maiin a taksa in a hmel thlakna taksa hran chu kum 10 chuang emaw hnu fe ah a pawm thei leh ta lova hmun hnihah Cancer in a hmui kiang leh hmaiah chuan bu a rawn khur ta a ni. Damdawite nena tan lain taksa pahnih in mil leh thei tura an theihtawp chhuahna chuan awmzia nei thei ta lova, nikum khan khawvela hmel thlak hmasaber a boral ta tiin The French
Le Figaro Newspaper chuan a tar lang ta a ni.

French nu hi fa pahnih nei niin a hma an zai chhung hi darkar 15 meuh a awh a ni.

# Sources: Online Medical 25/11/2017

Thubelh:

#  Kum eng emaw zat cell hran ve ve te in zawm thei mahsela, a taksa in zawm duh loh chin a lo nei lehte hi mihring taksa khawl mak zia leh Lalpa kutchhuak ropui ziate, a thil siam mihringte taksa mizia hi tun thlengin Doctor te hian a aia nasa zawka hre famkim tur hian nasa taka an zir ala ngai a ni tih he thil thlenna hian a ti lang chiang hle thei awm e. Ruh hi thahruia phuar khawmin tisain a tum a, vunin a khuh leh a, thisenin a ti hnawng chhuak vek a hriatna thazam a zam chhuak vek bawk a, mihringte hi mak leh dang lam tak siam kan lo va ni em!!!!!

....