PUTAR PIANPHUNGA RUALBANLO CHU FLIGHT ATTENDANT IN ȚHINGȚHI CHUNGA CHAW A BARH AVANGIN A ȚAP HIAL

📶📶📶

*PUTAR PIANPHUNGA RUALBANLO CHU FLIGHT ATTENDANT IN ȚHINGȚHI CHUNGA CHAW A BARH AVANGIN A ȚAP HIAL*
November 24, 2017 Damtea khawjol

Miin thinlung tak tak a midangte chunga ngilneihn a lantir hian thinlung sak berte pawh a khawihin a tinem ţhin a ni. Ţanpui ngai ngawih ngawihte tan pawh, mi ngilnei taka enkawl chuan – kan ţanpui dam chu a te emaw a lian emaw- an tan khawvel kan siam sak zawk a ni.

Chutichuan, hepa, pianphunga rualban lo, China rama thlawhnaa rawn chuang hi, flight attendant chuan kum lama upa tak chu a ţanpui ta a, he thlawhna passenger te pawhin an mitin an hmu ve vek nghe nghe a ni. Internet khawvela mipui maktaduaih mittui ti surtu pawh a ni.

December ni 8 a ni a, Pu Niu-a leh a nupui chu thlawhna HU7302 -ah chuangin China chhim lam Zhengzhou aţanga Haikou lama kal tum an ni. Pu Niu-a hi Medicine professor ni ţhin niin stroke avangin a veilam khingphel zawng chu a zeng a, nawrh lirh nen an inzawm ta tlat mai a ni.

People’s Daily-in a tarlan danin hemite nipa hi first class a an chuan loh avangin a hnathawkte chuan a bika enkawlna an pe thei lo a ni. Chutiang chu nimahse flight attendant ngilnei tak Fan Xuesong-i chuan biruak thawl zawkna seat hmaberah chuan Mr. Niu-a chu a ţhut sawn tir ta a.

Chu chu atan chuan inthiarna vela kal pawh a awlsam phah hle dawn a ni. Vanduaithlak takin a nupui erawh seat pek theih ni ve hek lo, a hranpa ve ve a an ţhut a ngaih phah ta a ni.

Chhun chaw a ei lai lai huan Nula Fan-i chuan Pu Niu -an harsa tak maia fian a han hum kual vel chu a hmu a. Chuvang chuan ţanpui a tum ta a.

Pu Niu -a thinlung chu chu nula ngilneihna chuan a khawih ta hle a,lawm avanga a mit ata mitui rawn luang chhuak chu dang turin theihna a nei mawlh lo a ni.

“Ka lo barh ang che ka tih chuan thawk leh khatah a thinlung a khawih a ni ang, a ţap nghal ta mai a ni,” tiin nula Fan -i chuan a sawi.

Pu Niu-a hian a dam lohna avangin chaw ţhial a harsat hle a, air hostess ngilnei tak hian chaw aiah noodles in a thleng sak nghe nghe a ni. Chutichung pawh chuan vawi tam a helh a, Nula Fan-i hian dawhthei takin a nghak a ni.
Pu Niu -a chu a ţah nasat em avangin Nula Fani chuan a mittui chu a hruk hul sak hial a ni.

Nula Fan-i hian he hna a thawh hi kum 11 lai a ni ve tawh a, ti hian a sawi, “Putarte hian an nun pumin hna nasa takin an thawk a, khawtlangah an theih ang tawkin an inhmang bawk, an chunga ţhat kan chhuah hi kan tih tur a ni.”