MAK LEH DANGDAI BÂWM:* *THLI, RUAH LEH A CHHEHVÊL* - Valpuia Leo Chawngthu

📶📶📶

*MAK LEH DANGDAI BÂWM:*

*THLI, RUAH LEH A CHHEHVÊL*
- Valpuia Leo Chawngthu

@@. USA a State pakhat Kansas khuan kum khat chhûngin thlipui (tornadoes) vawi sangkhat (1000) chuang zet te an tawng țhin. Rei vak lovin na tak takin a tleh țhin a ni.

@@. Kum 1955 khân thlipui thawk thut chuan Sharon Weron kum 9 mi leh a chuanna sabengtung chu feet 1000 dawna sângah a vawrh kang a. Mak tak maiin  hliam na lutuk an tuar lo ve ve. Thliin a vawrh kân vak hnua an rawn tlâk leh lamah hian thli thovin a lo vawrh kâng leh țhin a. Na lutuk lovin lei an thlen theih phah a ni.
.
@@. Africa khawmualpuia Sudan ram khu Thlaler thlipuiin a nuai țhin a. A nasat tak tak lai chuan vaivut chu feet 3000 zeta sâng thlenga invawrh kangin Mel 90 bial zet te a khuh țhin a ni.
.
@@. Kum 1979 a Kansas hmuna tornado tleh kha a na awm khawp mai. Lui chunga lei an dawh rinawm tak chu a chhem lêng vek a. Luia tui luang mêk pawh vaukamah a chhêm chhuak deuh vek.
.
@@. Kansas ah tho kum 1990 khan tornado tleh chuan Rel pakhat pindan 88 zet nei chu a a chhêm sawn dawrh mai a. A hnung lam lam pindan 4 phei chu sâng takin a chhem kang lawp thei. Chhiatna nasa zawk a thleng lo hlauh a ni.
.
@@. Kum 1934 khan USA a Minnesota hmuna Moorhead ah Tornado rawn thawk thut chuan mi 8 chuanna Car pakhat chu kawnga a tlan lai feet 80 zeta hlaah a lên sawn vang vang mai.
.
@@. Kum 1994 khan Iowa state a Le Mars ah thlipuiin Ui pakhat chu a in chawpin a la daih mai a. Khawpui block tamtak chunga thlawh puiin him takin a hnutchhiah leh hlauh.
.
@@. Kum 1990 khan California a Bakerfield ah Thli na takin Oil barrel quintal 90 zeta rit pahnih chu a thlawhpui a. Mel 3 zata hlaah a nghat leh. A thlawh san lai hian feet 600 vela sangah a thlawhpui niin an hria.
.
@@. Kum 1878 khan Iowa state ah Thli na takin Bâwngpui pakhat a la daih mai a. Km 16 zet thlawhpuiin khawmualah a hnutchhiah leh. Bawngpui tan chuan dam chhuah rual a ni lo.
.
@@. Kum 1976 khân Colorado a Thompson Canyon ah ruah a sûr mai ni lovin a bua tih tur khawpa nasa in a sûr a. Ruahtui tlak tam lam tehna ah darkar 4 chhungin inches 10 zet a sur hman. Tuilian nasa tak a siam nghal a ni.
Mizoramah hetianga nasa hian sur thut se chuan chhiatna a thleng nasa viauin a rinawm.

@@. Kum 1873 khan USA a Missouri hmunah ruah sur rualin Uțawk tam em em mai a sur tel chiam mai. Ruah hi chhûm ațanga insiam a ni tlangpui a. Khawi ațanga rawn sur ve tak ni ang maw..
.
@@. Korea sangha mantu pakhat chu Falkland thliarkar vaukama Sangha a man laiin vanlam ațanga lo la kaikuang lian zet mai hian a rawn dêng pawp mai a. Nikhaw hre lovin a tlu der. A mak lehzualna chu he Kaikuang hi vurin a hmeh khawng vek a lo ni a. Khawi ațanga rawn tla tak ni maw.
.
@@. Kum 2001 khan Kerala ah Ruahtui sen (red) a sur vak mai a. Engvanga he tui hi sen vak mai nge a ni tih an chhuina ah boruaka thil hmuar sen leng vel nasa takin ruahtui a siam a nih an ring.
.

@@. Kum 1948 khan England ram Bournemouth a golf khelhna hmunah Sangha a sûr chiam mai a. Khua a thiang em em si a, mak ti takin an thlir ringawt mai a ni.
.
@@. Kum tam tak kal record ațanga a lan danin Chile rama Atacama thlalerah chuan vawikhatmah ruah a la sûr lo.
.
*MAK LEH DANGDAI BÂWM*
(FACEBOOK GROUP)
= = = = = = = = = = = = = =