IMPORTER EXPORTER CODE(IEC) CHUNGCHANG LEH A BEHBAWM.2018

📶📶📶

F.Laltlankima

*IMPORTER EXPORTER CODE (IEC) CHUNGCHANG LEH A BEHBAWM*

Khawvel economy than ruala thang ve tur chuan a bu zawlah ring kan rawlh ve a ṭûl ta. Tukverh atanga thlir mai lovin kawngkapui atanga kan chhuah a hun ta. Zoram kuthna thawktute, sumdawng, etc., hian chhan an mamawh a, a chhânna chu thalai lehkhathiamte kutah a innghat e.

Eng nge IEC chu?

Importer Exporter Code (IEC) chu ram pawn thil lak luh leh ram chhung thil thawn chhuah nana a serh zinga a mei ang a ni. IEC tel loin ram dang nen lei leh hralhah sumdawnna a neih theih loh a ni. IEC chu India ram khua leh tui company/mimal hnenah dan angin India sawrkarin a pe thin. Ministry of Commerce and Industry hnuaiah Directorate General of Foreign Trade (DGFT) in IEC certificate hi a pe chhuak thin.

DGFT in a tum ber chu ram chhung economy ti hmasawn tura thawn chhuah (export) tih pun a ni. Entrepreneur te'n ram chhung thil ram danga a tam thei ang ber thawn chhuak a, ram dang sumdawngte nena inlaichinna nghet leh tlo an neih a duh a ni. Importer leh exporter te control-tu a ni a. License pe chhuaka titawp theitu a ni bawk.

Kum 1991 hmalam kha chuan DGFT hi Chief Controller of Imports and Exports (CC&IE) tia hriat thin a ni a. An headquarter hi Udyog Bhavan, New Delhi-ah a awm. DGFT jurisdiction hnuaiah Zonal Offices pali -  Delhi, Mumbai, Kolkata leh
Chennai-ah te a awm a. Ram chhung hmun hrang hrangah branch 36 lai a awm bawk. Online hmangin awlsam takin IEC hi a dil theih a ni.

Import-Export Code (IEC) a tana document ngaite:

 PAN Card of Individual/Company
 Savings/Current account Cancelled Cheque
 Passport Size. photo
 Class 2 or Class 3 Digital Signature
 Address proof
 Aadhar Card of all Directors/Partners

IEC tangkaina.

# Importer leh exporter tan a tel loin hna a thawh theih loh. IEC tel loin ram pawn thil kan leiin ram chhung thil kan thawn chhuak thei lo.

# License hi a thi thei lo (permanent) a, renew buai a ngai ve tawh lo. Kan sumdawnna hming, address, etc., kan thlak duh a nih pawhin awlsam taka tih danglam theih a ni.

# Sumdawnna zau tak neihna - India ram pawna mi bungrua chi hrang hrang wholesale leh retail in awlsam taka lak luh leh ram chhung thil awlsam taka thawn chhuah theihna a ni.

# Exporter te cho phurnan sawrkarin incentive schemes chi hrang hrang a nei a. Chumi hamthatna dawn nan chuan a tha hle. A tlangpuiin thil thawn chhuah hlutna atanga 5% vel exporter hnenah sawrkarin lawmpuina a pe thin.

# India rama kan bungraw neih that loh (less competitive goods) ram dang a mi a hlawma tlawm taka lakluh nachang hria leh man man taka ram chhunga zuar kual thiam tan vanneihna a ni. Chutiang bawkin ram danga kan ram thil siam chhuah man man zawka hralhna remchang a ni.

# Awm hmun atanga sumdawnna lian tak neihna a ni. Tunlai sumdawnna lian ber leh thang chak ber chu online shopping/e-commerce hi a ni. Nangma pualin online store i siam thei a. Tin, online market places awmsa entirnan flipkart, ebay, amazon, etc.-ah i bungrua awlsam takin i zuar thei bawk.

Entirnan, alibaba kal tlangin China suppliers rintlak tak i tawng a, an hnen atangin bungrua chi hrang hrang tlawm leh man man takin  a hlawmin i lei a. Chu chu Online market-ah i hnen rawn thleng kher loin i zuar nghal thei a ni. China atanga i bungraw lei chu Amazon-ah zawrh lo duh ta la, i hnen rawn thleng loin Amazon warehouse- ah a lo thleng ang. FBA (Fulfillment By Amazon) services hmangin i bungrua lo kawl thain an online dawr kal tlangin an lo hralh ang a. Nalh taka pack in an courier service kal tlangin customer hnenah an deliver ang. Online dawr ho hian fulfillment services tha tak an nei a. Chu chu i chhawr tangkai dawn a ni.

A nachang kan hriat hma hauhin mi fate chuan a nakah ngei an lo zen tawh a. Hausak nan an hmang mek a nih hi. Tunlai sumdawnnaah hian ring kan rawlh ve dawn a nih chuan mahni tawkah ziarchianna (research) nasa taka kan neih ve hmasak erawh a pawimawh hle ang.

Kan zoram kuthnathawktute chawikang tur hian a ngaihna hria entrepreneur kan mamawh a.An ni chu a ni LONDON  BAZAR a SAWHTHING THAR NGEI MAI MIN ZUARH/ZAWRH sak theihtu te chu.
Anni kaltlang loh chuan beisei RAM kan thleng har ang.