RTI LEH HMAN DAN.

*RTI LEH A HMAN DAN*
Right to Information Act, 2005 hi June 15, 2005 khan India President-in pawmin October 19,2005 khan hman tan a ni a. Mizoramah chuan June 26,2006 atang khan kan hmang tan ve chauh a. He dan kenkawhnan hian Mizoram sawrkar chuan 2006 khan Mizoram Right to Information Rules, 2006 siamin hei hi 2010 khan Mizoram Right to Information Rules, 2010 hmanga thlak a ni.
He Dan kengkawh tur hian India ram pum huap Central Information Commission a awm a. State tinah State Information Commission a awm bawk a ni.
RTI hian sorkar department te, agency te, corporation leh Undertaking zawng zawng te leh NGO , Company ,Kohhran etc. Zinga sorkar atanga cheng nuai 1 aia tlem lo dawng tawh te a huam a. Heng mi te thil chhinchhiah chi hrang hrang - record, document, memo, e-mail, opinion, advice, press release, circular, order, logbook, contract, report, paper, sample, model, electronic hmanruaw hmanga vawn data tinreng chu a hmunah kan en thei a , kan ziak chhawng thei a, a thla kan la thei a, a photocopy (xerox copy) kan la thei a, electronic hmanraw chi hrang hrang hmangin kan la chhawng thei bawk a ni.
Sorkar department zawng zawngah Appellate Authority an awm a. Sorkar department leh agency hrang hrangah dilna lo dawng a, hrait duh kan neihte min lo hrilh leh petu tur State Public Information Officer (SPIO) leh State Assistant Public Information Officer (SAPIO) an awm teuh a. He Danin a huam NGO , Company leh Kohhran ect. te hian Appellate Authority te, SPIO, SAPIO te hi an nei tur a ni a,amaherawh chu an nei hlawm lo, RTI Rules, 2006 zawk hman lai kha chuan PRISM pawh a huam avangin hetiang Appellate Authority leh SPIO te hi kan nei thinin, sorkar ni lo zingah Mizoramah a nei awmchhun an ni thin. RTI Rules, 2010 kan hman hnu chuanan ni ho pawh a huam tawh lo a Mizoram sorkar bak chuan nei an awm ta lo ani.
*INFORMATION KAN DUH TE DIL DAN*
Thil hriat duh kan neih chuan SPIO/SAPIO hnen ah dilna kan thehlut anga. Dilna pakhatah dilna man Rs.10/- zel pek a ngai a ni.
Information dil dawn hian dilna form hranpa a awmlo tih hriattur a ni a. Mizoram Right To Information Rules, 2006 ah khan dilna form ang reng siam a ni a. Mahse, tuna kan hman tak zawk Mizoram Right to Information Rules, 2010 ah hi chuan dilna form ang chi engmah dah a ni tawh lo a. Chuvang chuan thil dilna lehkha pangngai ang deuhin mahni duh duh danin a ziah theih a. Hetiang deuh hian dilna ziah thin a ni.
To,
The SPIO/SAPIO
_____________(dilna office addt.)
Subj : RTI hmanga Information dilna.
Ka pu/pi,
Heng a hnuaia mite hi ka hre duh a, RTI hmangin ka han dil a,application fee Rs.10/- ka dah nghal e.
Ka hriat duh te chu :
1. ____________________
2. ____________________
Place: signature:___________
Date: Hming: ___________
Address: _________
Ph. No.: _________
Information kan dil chuan ni 30 ral hmain min chhang tur a ni a. Kan dilna chu mimal nunna emaw Zalenna emaw (life or liberty) nghawng a nih chuan darkar 48 ral hmain min chhang tur a ni a. SAPIO hnenah dilna kan thehluh chuan heng hun bitiam bakah hian ni 5 dang hun a neih belh a ni.
Kan hrait duh min hrilh hian lehkha (paper) phek khat-ah Rs. 1 zel chawi a ngai a. CD-a soft Copy kan lak chuan CD pakhatah Rs.30 zel chawi angai a. Thil sample ect . Leh lehkha(paper) phek hlai chi (A-3 aia hlai) a nih chuan a man hu tawk pek angai bawk a ni.
Kan thil hrait duh hi kan dub chuan a hmunah pawh kan en thei a. Sorkar file leh lehkha pawimawh enchian duh kan nei a nih chuan a hmunah en kan dil thei a. A hmuna en hian kan duh lai a thla kan lak theih a, kan copy theih bawk avangin hriat duh a fiah bik a. Uar chi tak a ni a. A hmun a kan endawn chuan hetiang deuh hian ziah thin tur a ni.
To,
The SPIO/SAPIO,
______________(Office adds.)
Subj : RTI hmanga a hmuna i formation en dilna.
Ka Pu/Pi,
______project hnathawh dan ka hriatchian duh avangin a hmunah hian file ka en duh a, RTI hmangin ka han dil a, application fee Rs. 10/..