.
*HMELȚHA LEH HMEL ȚHA MAW?*
_- PC.Thangzikpuia._
1. *HMEL ȚHA:*- Hetianga kan ziah hian _*hmel*_ hi noun a ni a, _*țha*_ hi hmel sawi fiahtu adjective a ni.
_1) Nula *hmel țha.*_
_2) Nula *sam sei.*_
_3) Nula *chawn nalh.*_
Khitiang khian a dik a ni. Khitianga _*noun*_ leh _*adjective*_ a nihna lai te chauh grammar mawlmang fea lo hre vetute hian, kan țawng kalphunga verb huanga _*hmelțha*_ a va tlat luh tâk daihna hi an va hmu pha ve ta reng reng lo a. Chu vang chuan _*hmel*_ (noun), _*țha*_ (adjective) tiin chatuana ziah hran tur emaw an lo ti ve ta he haw mai a ni.
*Hmel țha* bik hi ziah zawm lo ta ngat ila, hei hian kan sentence-ah verb hmun a luah nasa mai si a, verb huanga _*hmel*_ mal tlat hian nounal verb tal pawh a luah pha reng reng lo ang.
_1) Mawii hi a *hmel țha.*_
Khitah khian kan lam rik țhan ang angin dik thluamin a lang ang; mahse, khita _*hmel*_ mal tlat khi eng verb nge ni ta ngai ang le? "Mawii hi a *sam sei,"* tih ang țawngkam mak sakhai a ni ang.
_1) Mawii hi a *intihmel țha.*_
Khitah khian ziak hrang leh ta bawk ila, _*intihmel*_ mal tlat khi eng reflexive verb nge ni ta ang? "Mawii hi a *intichawn nalh,"* tih ang țawngkam dik lo a ni ang a, _*intichawn*_ chu eng reflexive verb tak ni ang maw?
Chuvangin, *Hmelțha* tih hian Mizo țawngah hian noun hmun te, adjective hmun te, adverb hmun te a luah ve vek bakah, sentence-a hmun pawimawh lutuk verb hmun hi a hauh nghet em em bawk a. Țawng kalphung awmze hriatna nei tak tak si lo va, grammar hmanraw chawrche te hmanga ziah hran zel ringawt mai tur emaw kan tih chuan mi nuih kan tiza hle mai dawn a ni.
_1) Ruati hi a *hmelțha.* (Indicative mood)._
Solid compound word a nih chuan khitiang khian, verb thumalin a nihna dik taka hna a thawhna hmun, indicative mood-ah pawh _*hmelțha*_ tia ziah zawm hi chuan verb hmun a luah chat thei mai a nih khi.
_1) A intihmelțha._
Khi, _*intihmel*_ tih ringawt reflexive verb mak sakhai ang kha a ni ve ta lo va; _*intihmelțha*_ a ni dik nghal ta thlap mai a ni.
Hawh u, Mizo țawng hi kan zir a nih rau rau chuan part of speech tlem te hmang hian huaisen fe fein ngaih dan hi vawrh ve țhuai țhuai lo ila, compound word awmzia leh an hna thawh te hi chik takin zir zauin zir thuk ila, ziah zawma an awmzia leh ziah hrana an awmzia te, kan sentence-ah engtiang chiahin nge position hrang hrangah thâwm an chhuah tih te hi zir kim țhin ang u.
_*Hmelțha*_ bik hi chuan, kan sawi tawh ang khian position hrang hrangah hmun a luah kual a, chuvangin, thumal a nih loh chuan khinga a hmun luahah khian a dik thei ngai lo ang. *Hmel* (noun) leh *țha* (adjective) an niha ziah hran hun pawh a awm a ni zawk e.
Heng kan sawi avanga a bawplawk zawnga "Ruati chu a *samsei* hle mai tia _*samsei*_ tia ziah zawm ve tur a ni maw?" tia thu lo lak kawih tum tlat pawh in awm leh ang. Mahse, maw u; _*sam sei*_ hian verb hmun a luah ve ngai reng reng lo va, thumala siama ziah zawm ve a ngai lo e. A karah pronoun dahin, "A sam a sei," tia hman țhin a ni e. *Hmelțha* chu indicative mood-ah hial pawh, "A hmelțha," tiin verb thumalah kan hmang mawlh mawlh mai bik a ni zawk e.
....
*HMELȚHA LEH HMEL ȚHA MAW?*
_- PC.Thangzikpuia._
1. *HMEL ȚHA:*- Hetianga kan ziah hian _*hmel*_ hi noun a ni a, _*țha*_ hi hmel sawi fiahtu adjective a ni.
_1) Nula *hmel țha.*_
_2) Nula *sam sei.*_
_3) Nula *chawn nalh.*_
Khitiang khian a dik a ni. Khitianga _*noun*_ leh _*adjective*_ a nihna lai te chauh grammar mawlmang fea lo hre vetute hian, kan țawng kalphunga verb huanga _*hmelțha*_ a va tlat luh tâk daihna hi an va hmu pha ve ta reng reng lo a. Chu vang chuan _*hmel*_ (noun), _*țha*_ (adjective) tiin chatuana ziah hran tur emaw an lo ti ve ta he haw mai a ni.
*Hmel țha* bik hi ziah zawm lo ta ngat ila, hei hian kan sentence-ah verb hmun a luah nasa mai si a, verb huanga _*hmel*_ mal tlat hian nounal verb tal pawh a luah pha reng reng lo ang.
_1) Mawii hi a *hmel țha.*_
Khitah khian kan lam rik țhan ang angin dik thluamin a lang ang; mahse, khita _*hmel*_ mal tlat khi eng verb nge ni ta ngai ang le? "Mawii hi a *sam sei,"* tih ang țawngkam mak sakhai a ni ang.
_1) Mawii hi a *intihmel țha.*_
Khitah khian ziak hrang leh ta bawk ila, _*intihmel*_ mal tlat khi eng reflexive verb nge ni ta ang? "Mawii hi a *intichawn nalh,"* tih ang țawngkam dik lo a ni ang a, _*intichawn*_ chu eng reflexive verb tak ni ang maw?
Chuvangin, *Hmelțha* tih hian Mizo țawngah hian noun hmun te, adjective hmun te, adverb hmun te a luah ve vek bakah, sentence-a hmun pawimawh lutuk verb hmun hi a hauh nghet em em bawk a. Țawng kalphung awmze hriatna nei tak tak si lo va, grammar hmanraw chawrche te hmanga ziah hran zel ringawt mai tur emaw kan tih chuan mi nuih kan tiza hle mai dawn a ni.
_1) Ruati hi a *hmelțha.* (Indicative mood)._
Solid compound word a nih chuan khitiang khian, verb thumalin a nihna dik taka hna a thawhna hmun, indicative mood-ah pawh _*hmelțha*_ tia ziah zawm hi chuan verb hmun a luah chat thei mai a nih khi.
_1) A intihmelțha._
Khi, _*intihmel*_ tih ringawt reflexive verb mak sakhai ang kha a ni ve ta lo va; _*intihmelțha*_ a ni dik nghal ta thlap mai a ni.
Hawh u, Mizo țawng hi kan zir a nih rau rau chuan part of speech tlem te hmang hian huaisen fe fein ngaih dan hi vawrh ve țhuai țhuai lo ila, compound word awmzia leh an hna thawh te hi chik takin zir zauin zir thuk ila, ziah zawma an awmzia leh ziah hrana an awmzia te, kan sentence-ah engtiang chiahin nge position hrang hrangah thâwm an chhuah tih te hi zir kim țhin ang u.
_*Hmelțha*_ bik hi chuan, kan sawi tawh ang khian position hrang hrangah hmun a luah kual a, chuvangin, thumal a nih loh chuan khinga a hmun luahah khian a dik thei ngai lo ang. *Hmel* (noun) leh *țha* (adjective) an niha ziah hran hun pawh a awm a ni zawk e.
Heng kan sawi avanga a bawplawk zawnga "Ruati chu a *samsei* hle mai tia _*samsei*_ tia ziah zawm ve tur a ni maw?" tia thu lo lak kawih tum tlat pawh in awm leh ang. Mahse, maw u; _*sam sei*_ hian verb hmun a luah ve ngai reng reng lo va, thumala siama ziah zawm ve a ngai lo e. A karah pronoun dahin, "A sam a sei," tia hman țhin a ni e. *Hmelțha* chu indicative mood-ah hial pawh, "A hmelțha," tiin verb thumalah kan hmang mawlh mawlh mai bik a ni zawk e.
....
No comments:
Post a Comment