📶📶📶
(Kan Creator kam chhuak hi Mizo tan a hluin, chhawrnahawm tak a ni ngei ang. Group hi han mãwi teh sen.)
*MIZO ȚAWNG, ZOȚAWNG.*
_- PC.Thangzikpuia._
*'Mizo țawng'* tiin kan ziah zawm lo a, *'Zoțawng'* tiin kan ziah zawm leh si hi zawhna a tam țhin hle a. Hemi chhânna hi kan țawng kalphunga grammar formula dik êm êm mai awm sa ațang hian fiah taka sawi a țul ve ta niin a lang.
1. *Mizo țawng:* Hetianga kan sawia kan ziah hian, *'țawng'* hi noun a ni a, hnam hrang hrangin țawng hran țheuh kan neih si avangin, eng țawng nge tih kha adjective hmanga sawi fiah a ngai ta a. Tichuan, nounal adjective *'Mizo'* tih hi a sawi fiah nâna hmangin, *'Mizo țawng'* kan ti ta a ni.
_Sâp țawng._
_Vai țawng._
_Mizo țawng._
Khitiang khian common noun kha nounal adjective-in a rawn sawi fiah ta zel a ni.
2. *Zoțawng:* Hetianga kan ziah zawm ve thungna chhan hi chu, *'Zo'* tih ringawt hian *'Mizo'* ai a awh zo ve ta lo va, a hrangin *'Zo'* hi ziak ta ila, *'Mizo'* aiawhtu atan nounal adjective a ni phâk ve lo va, kawh hran daih a nei thei ta a ni. Chuvangin, *'Mizo'* tiha *'Zo'* hi la chhuakin, *'țawng'*nen hian kan sawi kawp a, proper noun atan *'Zoțawng'* tih kan chher ta a ni.
Khitiang khian, noun thumal phel lehlam, amaha nounal adjective ni pha tawh lo kha chu a kawppui thumal nen la kawpin noun thumalah kan chher ta țhin a ni.
_Zopa._
_Zonu._
_Zokhua._
_Zoâr._
_Zoram._
_Zoțawng._
3. *Chhinchhiah tur:* Noun thumal hi kan tan bun a, a lehlam chauh la chhuaka kan hmannaah hian, a kawppui thumal dang sawi fiahtu (nounal adjective) atâna kan hman dawn hian, kaihtawi loha a awmzia kha a hloh tawh chuan nounal adjective atâna hman a dik thei tawh lo va, a kawppui thumal nen khân ziah zawmin noun thumal hran kan chher ta țhin a ni.
_Sâpin ..._
_Vaiin ..._
_Mizoin ..._
Khing khi han en ila, khing noun thumal khi, *'in'* behtirin thil titu (nominative case)-ah an hman theih nghâl vek tih kan hmu ang. Mahse, *'Mizo'* tih kaihtawi *'Zo'* ringawt hi chu, *'Zoin'* tiin nominative case-ah hmang ta ila, *'Mizoin'* tih a ni pha ve tawh lo ang.
_Sâpah ..._
_Vaiah ..._
_Mizoah ..._
Khitah khian, khing noun thumalah khian *'ah'* behtirin adverb-ah kan hmang thei nghal vek a. Mahse, *'Zoah'* tiin ziak ve ta ila, heta *'Zo'* ringawt hian *'Mizo'* ai a awh phâk ve tawh lo ang.
Hetiang zel hian noun thumal kan kaih tawi khân, a zawmpui noun thumal awmzia leh nihna kha a hloh tawh chuan, nounal adjective atan a hranga ziah ve chi a ni tawh lo va; a kawppui thumal dang nen khân thumal pakhat atan kan chher ta țhin a ni.
Hetiang hi Mizo țawngah kan nei nual a. Mizo țawng kan zirna kawngah hian, khawi lehkhabu emawa tu lo ziah dan emaw sawi chhawng a, țanchhana hmang mawl tawp ringawt lovin, keimahni ngei hian kan țawnga formula fel tak lo inphûm hi ching chhuak ila, chu chu a ziah dân dik hmu fiah tel zel ang u. He formula kan sawi hi grammar dan ațang pawhin thu dang dangah pawh a dik thui hle ang tih ka sawi ngam leh ta a ni.
....
(Kan Creator kam chhuak hi Mizo tan a hluin, chhawrnahawm tak a ni ngei ang. Group hi han mãwi teh sen.)
*MIZO ȚAWNG, ZOȚAWNG.*
_- PC.Thangzikpuia._
*'Mizo țawng'* tiin kan ziah zawm lo a, *'Zoțawng'* tiin kan ziah zawm leh si hi zawhna a tam țhin hle a. Hemi chhânna hi kan țawng kalphunga grammar formula dik êm êm mai awm sa ațang hian fiah taka sawi a țul ve ta niin a lang.
1. *Mizo țawng:* Hetianga kan sawia kan ziah hian, *'țawng'* hi noun a ni a, hnam hrang hrangin țawng hran țheuh kan neih si avangin, eng țawng nge tih kha adjective hmanga sawi fiah a ngai ta a. Tichuan, nounal adjective *'Mizo'* tih hi a sawi fiah nâna hmangin, *'Mizo țawng'* kan ti ta a ni.
_Sâp țawng._
_Vai țawng._
_Mizo țawng._
Khitiang khian common noun kha nounal adjective-in a rawn sawi fiah ta zel a ni.
2. *Zoțawng:* Hetianga kan ziah zawm ve thungna chhan hi chu, *'Zo'* tih ringawt hian *'Mizo'* ai a awh zo ve ta lo va, a hrangin *'Zo'* hi ziak ta ila, *'Mizo'* aiawhtu atan nounal adjective a ni phâk ve lo va, kawh hran daih a nei thei ta a ni. Chuvangin, *'Mizo'* tiha *'Zo'* hi la chhuakin, *'țawng'*nen hian kan sawi kawp a, proper noun atan *'Zoțawng'* tih kan chher ta a ni.
Khitiang khian, noun thumal phel lehlam, amaha nounal adjective ni pha tawh lo kha chu a kawppui thumal nen la kawpin noun thumalah kan chher ta țhin a ni.
_Zopa._
_Zonu._
_Zokhua._
_Zoâr._
_Zoram._
_Zoțawng._
3. *Chhinchhiah tur:* Noun thumal hi kan tan bun a, a lehlam chauh la chhuaka kan hmannaah hian, a kawppui thumal dang sawi fiahtu (nounal adjective) atâna kan hman dawn hian, kaihtawi loha a awmzia kha a hloh tawh chuan nounal adjective atâna hman a dik thei tawh lo va, a kawppui thumal nen khân ziah zawmin noun thumal hran kan chher ta țhin a ni.
_Sâpin ..._
_Vaiin ..._
_Mizoin ..._
Khing khi han en ila, khing noun thumal khi, *'in'* behtirin thil titu (nominative case)-ah an hman theih nghâl vek tih kan hmu ang. Mahse, *'Mizo'* tih kaihtawi *'Zo'* ringawt hi chu, *'Zoin'* tiin nominative case-ah hmang ta ila, *'Mizoin'* tih a ni pha ve tawh lo ang.
_Sâpah ..._
_Vaiah ..._
_Mizoah ..._
Khitah khian, khing noun thumalah khian *'ah'* behtirin adverb-ah kan hmang thei nghal vek a. Mahse, *'Zoah'* tiin ziak ve ta ila, heta *'Zo'* ringawt hian *'Mizo'* ai a awh phâk ve tawh lo ang.
Hetiang zel hian noun thumal kan kaih tawi khân, a zawmpui noun thumal awmzia leh nihna kha a hloh tawh chuan, nounal adjective atan a hranga ziah ve chi a ni tawh lo va; a kawppui thumal dang nen khân thumal pakhat atan kan chher ta țhin a ni.
Hetiang hi Mizo țawngah kan nei nual a. Mizo țawng kan zirna kawngah hian, khawi lehkhabu emawa tu lo ziah dan emaw sawi chhawng a, țanchhana hmang mawl tawp ringawt lovin, keimahni ngei hian kan țawnga formula fel tak lo inphûm hi ching chhuak ila, chu chu a ziah dân dik hmu fiah tel zel ang u. He formula kan sawi hi grammar dan ațang pawhin thu dang dangah pawh a dik thui hle ang tih ka sawi ngam leh ta a ni.
....
No comments:
Post a Comment