*Ti* ZIAH ZAWM HUN LEH ZIAH HRAN HUN :-
_Ti_ hi thuhmabet(prefix) a ni a, thumal hmaah kan behtir ṭhin. Amaherawhchu sentence-ah hian verb thumal pangngai hmang lova *ti* hi verb anga kan hman hun a awm a, chumi hunah chuan a hranga ziah tur a ni thung. Mahse, thuhmabet a nih hun leh verb a nih hun kan thliar hran a harsat chang a awm fo va, chumi hunah he formula mawl té hi hmang ila, kan harsatna chu a kiang theiin ka ring.
- _*Ti* kan hmanna tur thumalah khan kan rilruin a tawpah *tir* tih hi han dah chhin ila, kan thil sawi tur nen a inmil a, a awmzia a phawk chhuak zo a nih chuan *ti* kha thuhmabet a ni a, a dawta thumal nen ziah zawm zel tur a ni._
_Entir nân:_
- _Motor ka tikal/ti kal._
_Khi sentence-ah khian ziah zawm leh zawm lovah lo buai ta ila, *ti* kan hmanna tur thumal *kal* tihah khian *tir* tih hi kan belh ru chhin ang a, *kaltir* tih a lo ni ang. Tichuan a sentence pumpui chu *Motor ka kaltir* tihna tluk a lo ni a, kan thil sawi tum nen thu inmil a nih chuan *ti* hi thuhmabet a ni a, ziah zawm mai tur a ni._
Tikal - kaltir
Tithlawk - thlawhtir
Timawi - mawitir
Timu - muttir
Khitiang zel khian kan ngaihtuah dawn tihna a nih chu.
_*Ti duhdah, ti palh*_
_Mahriati an ti duhdah/tiduhdah._
_Khi sentence-ah pawh khian a chunga mi ang bawkin *tir* tih hi kan belh ru leh chhin ang a, *tiduhdah* kan tih chuan *duhdahtir* tihna tluk a ni ang. Tichuan kan sentence pumpui chu *Mahriati an duhdahtir* tihna a lo ni ang a, sentence awmze nei lo a ni tihna a ni. *An ti duhdah* kan tih erawh chuan *ti* hi verb a ni a, an fiam, an sawisa , an hau emaw, duhdah takin engtin emaw an ti tihna a ni ang. *Ti* khian verb thumal eng emaw ai a awh tih a chiang ta a, ziah hran tur a ni tih a chiang ta em em a ni._
_Rpi a in tipalh/ti palh._
_Khi sentence khi en leh ta ila, *ti* kan hmanna tur *palh* tihah hian *tir* kan belh ru leh chhin ang a, *palhtir* tih a lo ni ang a, sentence pumpui chu *Rpi a in palhtir* tih a lo ni ang a, sentence awmze nei lo a ni tih kan hre leh ang. Tichuan *ti* khi verb a ni tih kan chiang ta a, a insat palh, tlu palh, inzai palh, tla palh tihna emaw, verb thumal eng emaw ai a awh tih chiang takin kan hre thei ta a, chuvangin ziah hran tur tih kan hre thei ta a ni._
_Ti_ hi thuhmabet(prefix) a ni a, thumal hmaah kan behtir ṭhin. Amaherawhchu sentence-ah hian verb thumal pangngai hmang lova *ti* hi verb anga kan hman hun a awm a, chumi hunah chuan a hranga ziah tur a ni thung. Mahse, thuhmabet a nih hun leh verb a nih hun kan thliar hran a harsat chang a awm fo va, chumi hunah he formula mawl té hi hmang ila, kan harsatna chu a kiang theiin ka ring.
- _*Ti* kan hmanna tur thumalah khan kan rilruin a tawpah *tir* tih hi han dah chhin ila, kan thil sawi tur nen a inmil a, a awmzia a phawk chhuak zo a nih chuan *ti* kha thuhmabet a ni a, a dawta thumal nen ziah zawm zel tur a ni._
_Entir nân:_
- _Motor ka tikal/ti kal._
_Khi sentence-ah khian ziah zawm leh zawm lovah lo buai ta ila, *ti* kan hmanna tur thumal *kal* tihah khian *tir* tih hi kan belh ru chhin ang a, *kaltir* tih a lo ni ang. Tichuan a sentence pumpui chu *Motor ka kaltir* tihna tluk a lo ni a, kan thil sawi tum nen thu inmil a nih chuan *ti* hi thuhmabet a ni a, ziah zawm mai tur a ni._
Tikal - kaltir
Tithlawk - thlawhtir
Timawi - mawitir
Timu - muttir
Khitiang zel khian kan ngaihtuah dawn tihna a nih chu.
_*Ti duhdah, ti palh*_
_Mahriati an ti duhdah/tiduhdah._
_Khi sentence-ah pawh khian a chunga mi ang bawkin *tir* tih hi kan belh ru leh chhin ang a, *tiduhdah* kan tih chuan *duhdahtir* tihna tluk a ni ang. Tichuan kan sentence pumpui chu *Mahriati an duhdahtir* tihna a lo ni ang a, sentence awmze nei lo a ni tihna a ni. *An ti duhdah* kan tih erawh chuan *ti* hi verb a ni a, an fiam, an sawisa , an hau emaw, duhdah takin engtin emaw an ti tihna a ni ang. *Ti* khian verb thumal eng emaw ai a awh tih a chiang ta a, ziah hran tur a ni tih a chiang ta em em a ni._
_Rpi a in tipalh/ti palh._
_Khi sentence khi en leh ta ila, *ti* kan hmanna tur *palh* tihah hian *tir* kan belh ru leh chhin ang a, *palhtir* tih a lo ni ang a, sentence pumpui chu *Rpi a in palhtir* tih a lo ni ang a, sentence awmze nei lo a ni tih kan hre leh ang. Tichuan *ti* khi verb a ni tih kan chiang ta a, a insat palh, tlu palh, inzai palh, tla palh tihna emaw, verb thumal eng emaw ai a awh tih chiang takin kan hre thei ta a, chuvangin ziah hran tur tih kan hre thei ta a ni._
No comments:
Post a Comment