Amaherawhchu, țawng dik kan neih sa hle hle dip ral zawnga a anpui deuh reuh, a suak lo chawr ve chhen hi chu dimdawih eih lova lo hlawi filh țhawt țhawt mai tur a ni. Țawng suakin vawk lal lên tuma mi a rùn mek laia thapui thawha kan lo chêt ve vat vat loh zawngin, nakin lawkah chuan Mizo țawng hi humhalh tum pawh ni ila, humhalh tlâk alawi awm lovin a lo pherh chhe hman vek mai ang tih a hlauhthawnawm ta a ni.
.
Social media lama group hrang hranga Mizo țawng dik si lo, dik ang ve tak chelek châmchitute zingah hian Mizo țawng thiam ve viauva kan ngaihte pawh an tel nawk zel. Hengho hi an ke chheh sual palh lai han hrilhru dêk dêk ila, tlàwmpa-eksenah an lo la a, "A hmangtu an tam tawh," tih thu changchawiin _posi_ te hi mi an lo lâk khum ang teu to a. Hahthlâk ru deuh a ni!
.
Tuna kan sawi bik, *"Tûk chhuah nuam u,"* tih hi țawngkam dik a nih a, "Zîng tho chhuak" emaw, "Zînga khawi i-lova chhuak tur, duhsak taka thlahna" țawngkam anga kan pawm lui dawn a nih a, *'zîng'* leh *'tûk'* hi inhman chhâwk theih a nih dawn phawt zawngin, Nutei teho *'tûk hmai phih'* hmâin an *'tûk thophang'* ka va la phâwk ang a, an *'tuk chhuah'* fuh loh tûkah *'tûk thingpui'* ka va la beisei tlat chhin teh ang!
.
*"Tûkchhuak nuam u,"* han tih te hi chu kan țawngkam dik neih sa liau liau a ni alawm. He kan țawng dik neih sa entawna țawng suak kan chher chawp, *'tukchhuak'* tiha *'chhuak'* lai hi verb anga *'chhuah'* tia lo modify nulh nulh duhtute chuan noun thumal dang, *'kamchhuak'* pawh hi *'kam chhuah'* tiin lo modify nulh nulh sela, *'Kutchhuak'* tih te pawh hi *'kut chhuah'* ti tein lo modify ulh ulh mai teh se. "'Tûkin chu ka tûk chhuah a fuh lo va, ka rit lûk mai," te ti sela, "I kam chhuah chu dawnsawn a nuam țhin mang e," tiin, "I kut chhuah hi chu a mâm dak thlarh zel," te pawh lo ti nawk nawk rawh se. Nimahsela, Mizo țawng dik awm sa humhim chunga kan țawng țhang mêk tihhmasâwn tum tlattute hi chuan, grammar rule leh phoenix science pawhina rem a tih loh tur țawng piangsual ang chi hi chu kan hmêlmâk ngam zel tur a ni ang
.
Social media lama group hrang hranga Mizo țawng dik si lo, dik ang ve tak chelek châmchitute zingah hian Mizo țawng thiam ve viauva kan ngaihte pawh an tel nawk zel. Hengho hi an ke chheh sual palh lai han hrilhru dêk dêk ila, tlàwmpa-eksenah an lo la a, "A hmangtu an tam tawh," tih thu changchawiin _posi_ te hi mi an lo lâk khum ang teu to a. Hahthlâk ru deuh a ni!
.
Tuna kan sawi bik, *"Tûk chhuah nuam u,"* tih hi țawngkam dik a nih a, "Zîng tho chhuak" emaw, "Zînga khawi i-lova chhuak tur, duhsak taka thlahna" țawngkam anga kan pawm lui dawn a nih a, *'zîng'* leh *'tûk'* hi inhman chhâwk theih a nih dawn phawt zawngin, Nutei teho *'tûk hmai phih'* hmâin an *'tûk thophang'* ka va la phâwk ang a, an *'tuk chhuah'* fuh loh tûkah *'tûk thingpui'* ka va la beisei tlat chhin teh ang!
.
*"Tûkchhuak nuam u,"* han tih te hi chu kan țawngkam dik neih sa liau liau a ni alawm. He kan țawng dik neih sa entawna țawng suak kan chher chawp, *'tukchhuak'* tiha *'chhuak'* lai hi verb anga *'chhuah'* tia lo modify nulh nulh duhtute chuan noun thumal dang, *'kamchhuak'* pawh hi *'kam chhuah'* tiin lo modify nulh nulh sela, *'Kutchhuak'* tih te pawh hi *'kut chhuah'* ti tein lo modify ulh ulh mai teh se. "'Tûkin chu ka tûk chhuah a fuh lo va, ka rit lûk mai," te ti sela, "I kam chhuah chu dawnsawn a nuam țhin mang e," tiin, "I kut chhuah hi chu a mâm dak thlarh zel," te pawh lo ti nawk nawk rawh se. Nimahsela, Mizo țawng dik awm sa humhim chunga kan țawng țhang mêk tihhmasâwn tum tlattute hi chuan, grammar rule leh phoenix science pawhina rem a tih loh tur țawng piangsual ang chi hi chu kan hmêlmâk ngam zel tur a ni ang
No comments:
Post a Comment