.
*NACHÂNG LEH -NA CHHAN HI.*
_- PC.Thangzikpuia._
*'Nachâng'* thumal a awm avang hian, *'nachhan'* thumal hi a awm ve emaw ti palh kan tam a. Hei hi i han bih chiang lawk teh ang u.
1. *NACHÂNG:*- Hei a kawppui verb thumal; _*hre, hria, hriat*_ te nen thil tih sawina (verb) atân hman țhin a ni a, thumal niin ziah zawm tur a ni.
_1) Thil tih *nachâng hre* lo._
_2) Min rawn pun *nachâng hria* la chu ka rawn pui tur che a nia._
_3) Lawm thu sawi *nachâng hriat* hi a țha._
Khingah khian _*nachâng*_ leh _*hre, hria, hriat*_ inkârah khian kan țawngkam azirin pronoun leh thu dang pawh tlâk zehtir țhin a ni bawk.
2. *-NA CHHAN:*- Heta _*-na*_ hi thuhnungbet (suffix) a ni a, a behna thumal kha verbal noun-ah a siam țhin a. Chu chu "A chhan leh a vang" tih noun phrase lâk tawi, _*chhan*_ hian a rawn zui ta țhin a ni.
_1) I *lungngaihna chhan* min hrilh rawh._
_2) I lo thlen *tlaina chhan* sawi rawh._
_3) I hlim *êm êmna chhan* hi ka hre ve duh._
Khitiang khian, verb, adverb leh double adverb-ah te pawh _*-na*_ hi a bet thei a ni.
3. *HRIAT ATAN:*
_1) *Nachâng* tiha *na* hi suffix-ah hmangin, *châng* khi mal dintir ve ta ila, "Țawngna châng hre ve rawh," ti ila, a dik ve hmel viau; mahse, *na* tel lo hian, "Țawng châng hre ve rawh," ti ta ila, heta *châng* hian awmzia a nei phâk lo tih kan hmu ang. Hei vang hian, *nachâng* hi thumal a ni a, ziah hran chi a ni lo tih a lang ta a ni._
_2) *-Na chhan* tiha suffix *na* tel lo hian, *chhan* chauh hi mal dintir ve ta thung ila, "I thinrim chhan ka hre duh," ti ta ila, heta *chhan* hian amah hian awmzia a nei phâk tho tih kan hmu ang. Suffix *na* hian verbal noun siam nân a rawn puibawm ve ta chauh a. Amaha mal din thei thumal *chhan*-ah hian prefix atân *na* hi behtir tur ni lovin, *chhan* hmâa thumalah khán betin, a behna kha verbal noun-ah a chantir țhin zawk a ni._
...
*NACHÂNG LEH -NA CHHAN HI.*
_- PC.Thangzikpuia._
*'Nachâng'* thumal a awm avang hian, *'nachhan'* thumal hi a awm ve emaw ti palh kan tam a. Hei hi i han bih chiang lawk teh ang u.
1. *NACHÂNG:*- Hei a kawppui verb thumal; _*hre, hria, hriat*_ te nen thil tih sawina (verb) atân hman țhin a ni a, thumal niin ziah zawm tur a ni.
_1) Thil tih *nachâng hre* lo._
_2) Min rawn pun *nachâng hria* la chu ka rawn pui tur che a nia._
_3) Lawm thu sawi *nachâng hriat* hi a țha._
Khingah khian _*nachâng*_ leh _*hre, hria, hriat*_ inkârah khian kan țawngkam azirin pronoun leh thu dang pawh tlâk zehtir țhin a ni bawk.
2. *-NA CHHAN:*- Heta _*-na*_ hi thuhnungbet (suffix) a ni a, a behna thumal kha verbal noun-ah a siam țhin a. Chu chu "A chhan leh a vang" tih noun phrase lâk tawi, _*chhan*_ hian a rawn zui ta țhin a ni.
_1) I *lungngaihna chhan* min hrilh rawh._
_2) I lo thlen *tlaina chhan* sawi rawh._
_3) I hlim *êm êmna chhan* hi ka hre ve duh._
Khitiang khian, verb, adverb leh double adverb-ah te pawh _*-na*_ hi a bet thei a ni.
3. *HRIAT ATAN:*
_1) *Nachâng* tiha *na* hi suffix-ah hmangin, *châng* khi mal dintir ve ta ila, "Țawngna châng hre ve rawh," ti ila, a dik ve hmel viau; mahse, *na* tel lo hian, "Țawng châng hre ve rawh," ti ta ila, heta *châng* hian awmzia a nei phâk lo tih kan hmu ang. Hei vang hian, *nachâng* hi thumal a ni a, ziah hran chi a ni lo tih a lang ta a ni._
_2) *-Na chhan* tiha suffix *na* tel lo hian, *chhan* chauh hi mal dintir ve ta thung ila, "I thinrim chhan ka hre duh," ti ta ila, heta *chhan* hian amah hian awmzia a nei phâk tho tih kan hmu ang. Suffix *na* hian verbal noun siam nân a rawn puibawm ve ta chauh a. Amaha mal din thei thumal *chhan*-ah hian prefix atân *na* hi behtir tur ni lovin, *chhan* hmâa thumalah khán betin, a behna kha verbal noun-ah a chantir țhin zawk a ni._
...
No comments:
Post a Comment