MIZO ṬAWNG ZIRNA PART 15.

.
      *Indicative mood:*

Țawngkam tluang pangngaia thu kan sawina hi a ni. He mood-ah hian verb thumal chu a nihna ang ngai ngaiin, a rik dan emaw, a ziah dan emaw tihdanglam (modify) miah loha hman țhin a ni.

_1) Aizawlah Muana a *kal.*_
_2) Ruati'n tui a *chawi.*_
_3) Mami a *nui.*_

Khitiang khian, verb thumalte khi an nih ang ngai ngaiin, a ziah dan pawh tihdanglam (modify) miah loha hman țhin a ni.

_1) Naktukah Aizawlah ka *kal* ang._
_2) CM chu ka *be* tawh._
_3) Chaw ka *ei* mek._

Khitiang khian indicative mood-a verb-te khi auxiliary verb: _*ang, tawh, mek*_-te khian an puibawm thei a, thil tih tur, tih mek, tih tawh sawina a ni thei a ni. Mahse, Indicative mood-ah hi chuan verb thumal reng reng, amah sawi fiahtu adverb-in a zui ve thei lo a ni.

*CHHINCHHIAH TUR:*-

1. Indicative mood-ah hian thil titu leh thil tih a lang ngei țhin.

2. Indicative mood-ah hian kan verb thumal zawng zawng hi an nihna ang angin an hman theih vek a. Verb thumal emaw kan tih, indicative mood-a thil tih sawi nana hman theih loh chu verb thumal a ni lo tihna a ni mai.

....